МОНГОЛ ОРНЫ ХӨГЖИЛД

МОНГОЛ ОРНЫ ХӨГЖИЛД VII чуулганы онцлогуудаас

2011-05-24T06:56:00.001-07:00

Жил жилийн чуулган өмнөхөө баяжуулан дэлгэрүүлдэг басхүү өөрийн гэсэн өнгө төрхи онцлогтой байдаг. Энэ жилийн чуулганы онцлогуудаас дурдвал:
Эргэх холбоотой чуулган
Чуулганы бэлтгэл ажил болон үйл явцаас энэ чуулган эргэх холбоотой амьд тогтолцоо болон бүрдсэн нь ажиглагдаж байлаа. Урьдын чуулганд оролцогчид нь дараагийн чуулганаа хэрхэн дэмжиж тусалж чадах тухайгаа лавлаж, санхүүгийн тусламж үзүүлж, сэтгэлийн үгээ хэлсэн Мэндчилгээнүүд ирүүлж байв. http://chuulgan.blogspot.com хуудаснаас өмнөх чуулганд орoлцогч хамтран ажиллагч нараас ирүүлсэн мэндчилгээнүүдтэй танилцаж болно. Энэ жилийн чуулганы хувьд Британи улсад элчин зөвлөх байхдаа анхдугаар чуулганыг дэмжин ажиллаж байсан өдгөө Монгол улсаас Шведийн Вант улсад суугаа элчин сайд Др.Б.Энхмандах бидний урилгыг хүлээн авч зочин илтгэгчээр оролцсон нь чуулганы нэр хүндийг өргөсөн, эргэх холбоог бататгасан сайхан хэрэг байлаа.

Төрийн дэмжлэг оролцоо нэмэгдсэн чуулган
Чуулганыг зохион байгуулагч Элчин Сайдын Яам, Британийн Монголчуудын Холбооноос энэхүү чуулганд төрийн дэмжлэг оролцоог бий болгохоор байнга хичээж ажиллаж ирсэн. Энэ жилийн чуулганд Засгийн Газрын Сайд, Хилийн Чанадад амьдарч буй Монгол улсын иргэдтэй хамтран ажиллах Зөвлөлийн дарга Ч.Хүрэлбаатар албан Mэндчилгээ ирүүлэн, зөвлөлөөс 2 сая төгрөгийн тусламж үзүүлж, зөвлөлийн ажлын албаны дарга Ч.Энх-эрдэнэ өөрийн биеэр хүрэлцэн ирж оролцсоноороо төрийн дэмжлэг оролцоо урьд урьдаас илүүтэй байв.
Зөвлөлийн ажлын албаны даргын айлчилалтай холбогдуулж энэ жилийн чуулган үдээс хойшхи хуралдаанаа Засгийн газрын төлөөлөгчийн үгийг сонсох, өөрсдийн санал бодлоо хүргэхэд чиглүүлсэн билээ. Ч.Энх-Эрдэнэ дарга Зөгийн Үүр хөтөлбөрийн хэрэгжилт явцын талаар танилцуулга хийж, чуулганд хүрэлцэн ирсэн гадаадад үйл ажиллагаагаа явуулдаг Монголчуудын холбоод бусад байгууллага хувь хүмүүс үйл ажиллагаагаа танилцуулж санал бодлоо нээлттэй солилцов. Иргэдийн зүгээс төр засгаас хилийн чанадад суугаа иргэддээ чиглэсэн бодлого хэрэгжилтийн удааширалтай байдал зэргийг шүүмжилсэн санал сэтгэгдэлүүдээ илэн далангүй хэлж байсны зэрэгцээ чуулганы ажиллагааг ойлгон анзаарч хөрөнгө санхүүгийн тусламж үзүүлж буй сайхан эхлэл байгааг онцолж, цаг сэтгэл гарган зорин ирж оролцож буй ажлын албаны дарга Ч.Энх-эрдэнэ-ийн айлчилалд талархаж буйгаа чуулганд оролцогчид илэрхийлсээн
Rio Tinto оройлон дэмжсэн чуулган
Чуулган жилээс жилд өргөжин тэлэхийн хэрээр санхүүгийн дэмжлэг туслалцаа улам бүр шаардагдах болсон. Энэ жилийн энэхүү хүнд ачааг маань хөнгөлж өгсөн гол дэмжигч нь Оюу Толгой ордын олборлолтын гол хөрөнгө оруулагч Rio Tinto компани. Чуулганы нээлтэд тус компанийн Хүний Нөөцийн Хэлтсийн Стратеги Төлөвлөлтийн Газрын менежер Jessica Fawell илтгэл тавин, байгууллагаа сурталчилах боловсон хүчний танталт хийхээр чуулганд оролцогчидтой ярилцаж бүх л өдрийг бидэнтэй хамт өнгөрөөсөн билээ. Тэдний оролцоо дэмжлэгийг бий болгоход сэтгэл гарган ажилласан Британийн Монголчуудын маань нэгэн төлөөлөгч Rio Tinto компанийн ажилтан Б.Ундрам анддаа баярлахгүй байхын аргагүй ээ.
Европийн Монголчуудын чуулган
Хилийн чанадад амьдарч буй Монголчуудтай хамтран ажиллах Зөвлөлийн ажлын хэсгийн дарга ирэх болсонтой холбогдуулан Европийн орнууд дах холбоодын удирдлагууд чуулганд сайн дураараа хүрэлцэн ирж өргөнөөр оролцсон нь чуулганыг Европийн Монголчуудын хэмээн овоглолоход хүргэв. Хэдийгээр цаг хугацааны давчуу байдал, мэдээлэл солилцооны удааширалаас орон бүрийн Холбоод байгууллагаас хүрэлцэн ирж амжаагүй ч Голланд, Ирланд, Португали, Шведийн Монголчуудын Холбоодын удирдлагууд биечилэн, Белги болон Герман дах холбоодын удирдлагууд өөрсдийн саналаа уламжлах байдлаар оролцсон юм. Чуулганыг хойшид Европ дах Монголчуудын холбоод хамтын хүчээр хийж байх талаар ч зөвлөлдөн хэлцсэн билээ.
Хоёр гавъяаттай чуулган
Энэ жилийн чуулганд энгэртээ гавъяатын тэмдэг гялалзуулсан зочидтой байснаараа бас онцлог. Мэрэгжлийн боксийн дэлхийн аварга гавъяат тамирчин Ч.Цэвээнпүрэв, Монгол Улсын Гавъяат жүжигчин, дуучин Ч.Бат-Эрдэнэ нар чуулгандаа хүрэлцэн ирж өөрсдийн дэмжлэг туслалцаагаа оруулсан.
Ярилцлага хэлэлцүүлгийн үеэр тамирчин гавъяат маань Монгол хүн эрүүл саруул байж эх орон хөгжиж дэвжихийн үндэс болохыг онцлон дурдаж зөв хооллох, дасгал сургууль байнга хийж хүн өөрийгөө эрүүл байлгахтай холбогдуулан Монгол түмэндээ зориулж бичсэн Эрүүл Мэндийн Зөвлөмж номоо танилцуулсан бол дуучин гавъяат маань оройн цэнгүүнд ая дуугаа өргөн алиа хошин яриа өрнүүлж хурсан олныг баясуулан цэнгүүлсэн билээ. Хийсэн бүтээсэн зүйлтэй, чаддаг бүтээдэг авяъастай байхын эрч хүчийг чуулганд оролцогч олон хоёр гавъяатаасаа авсаан.
Малчин түмэндээ тусламжийн гараа сунгасан чуулган
2001 оноос хойш Монголын Малчин түмэнд туслах ажлыг байнга хийж ирсэн CAMDA (Cambridge Mongolian Development Appeal) сайн санааны буяны байгууллагын үйл ажиллагааг дэмжиж хөрөнгө үүсгэхээр Лондон Парисийн хооронд дугуйгаар яалахаар шийдсэн Францийн иргэн, Монголын хүргэн Aymeric өөрийн санаачилгыг дэмжин туслахыг чуулганд орлоцогчдоос уриалсан юм. Британийн Монголчуудын Холбооны гишүүн Ч.Энхзаяа сайн дураараа CAMDA-г сурталчилсан ширээ ажиллуулж дэмжигч нарын дунд азын сугалаа ажиллуулснаар бид энэ өдөр £220 бүрдүүлж Aymeric-ийнхаа үйлсэд дэм өгч CAMDA-ийн үйл ажиллагааг дэмжин малчин түмэндээ тусламжийн гараа сунгалаа.
Британичуудын оролцоотой чуулган
Энэ жилийн чуулганд Британийн байгууллагууд оролцсон нь бас нэгэн онцлог байсан юм Ивээн тэтгэгч Rio Tinto-оос гадна дээр дурьдсан CAMDA мөн Британи Монголын Худалдаа Аж Үйлдвэрийн Танхимын дарга John Grogan урилгаар оролцож өөрийн байгууллагаа танилцуулж хойшдын чуулганыг зохион байгуулахад хамтран ажиллахаа амлав. Тэрээр Парлиаментийн гишүүн байхдаа Монгол Английн Парлиаментийн бүлгийн даргаар олон жил ажилласан, Монголчуудын үйл ажиллагааг ямагт туслан дэмжиж ирсэн нэгэн билээ.
Цахим Өртөөчдийн нүүр тулан танилцсан чуулган
Цахим Өртөө Холбоо чуулганыг байнга хамтран зохион байгуулж ирсэн билээ. Жил жилдээ цахим өртөөнийхөн энэ чуулганаар бас нүүр тулан уулздаг уламжлал бий болоод буй. Энэ уламжлал бас үргэлжилэн сүлжээний цөөнгүй андууд чуулганыг дэмжин оролцож Лондон хотноо анх удаа нуүр тулан танилцаж уулзацгаав. Биесээ захидлаар нь таних тэд бишүүрхэж гэрэвшилгүй “чи нэг тийм захиа бичсэн билүү” “Би нэг тэгэж билээ” гэсээр уулзах нь цахим андуудын уулзалтын түгээмэл дүр. Цахим өртөө сүлжээний серверийг цөөнүй жил авч явсан өдгөө цахим ертөнцөд түүний бүтээсэн bolor-toli.com хуудсаар нь интернэт хэрэглэгч бүхэн анддаггүй, мэрэгжил нэгтнүүд дундаа open source-ийн хэмээгдэх С.Бадрал Германаас, ноднинхон Монголд очоод Цахиурт Хөндий байгуулах нь зүйтэй хэмээн илтгэл тавьж шуугиулж тэр эрчээрэ Цахим өртөөнд элсэж байсан Б.Янжиндулам Голландаас, цахим өртөө сүлжээ үүссэн цагаас үнэнч зүтгэж мэдээлэл нийтлэлээрээ олны танил болсон сэтгүүлч Б.Жавхлан Португалиас, 5 6 жилийн өмнө Лондонд Японы нэгэн компанийн дейлэр байхдаа Цахим өртөөгөөр үе үе бичдэг байсан өдгөө Оросын Арилжааны томоохон банкний Үнэт Цаасны гүйлгээний албаны захирал М.Бат-Өлзий Оросоос, Цахим Өртөөнд элсээд жил гаруйхан болж буй Шведийн Монголчуудын Нэгдсэн Холбооны тэргүүн Номун-Эрдэнэ Шведээс, дээр нь Британийн суугуул Цахим Өртөөчид болх Цэрэнбат, Базаррагчаа, Өнөрмаа, Алтаннар гээд энэ л сүлжээний нэрийг өөр хоорондоо танилцах түлхүүр болгодог залуусийн ихэнхи нь энд анх нүүр хагарцгаалаа.
Лондонгийн өнгөтэй өөдтэй болгонд өрнөсөн чуулган
Чуулганы ажиллагаа зохиогдсон Limkokwing University of Creative Technology сургууль нь Британийн эртний дурсгалт барилгын жагсаалтад орсон (listed building гэдэг) байгууламж байдаг бол Чуулганы ихэнхи илтгэгч зочидын байрласан Renaissance London Chancery Court Hotel нь дэлхийд алдартай зочид буудлын Marriot сүлжээний нэгэн салбар 5 одтой буудал юм. Чуулганд оролцогчид илтгэгчдэд зориулсан оройн цэнгүүн зохиогдсон газар нь мөн л Лондонгийн түүх дурсгалт London Bridge, Tower of London-той хаяа дэрлэн орших 5 одтой GUOMAN TOWER HOTEL байлаа.
Мэдээллийг бэлтгэсэн Д.Цэрэнбат

"Монгол орны хөгжилд" VII чуулганы мэдээ

2011-05-24T06:53:00.000-07:00

Британийн Монголчуудын зохион байгуулдаг уламжлалт “Монгол орны хөгжилд” VII чуулга уулзалт Мэдлэгт суурилсан хөгжил нэрийн дор Limkokwing University of Creative Technology –ийн байранд 5 сарын 7-нд амжилттай болж өнгөрлөө.
Чуулганыг элчин сайд Б.Алтангэрэл нээж үг хэлэн чуулганы ажиллагаанд амжилт хүссэний дараа Монгол Улсын Засгийн газрын сайд, Хилийн чанадад амьдарч буй Монгол улсын иргэдтэй хамтран ажиллах Зөвлөлийн дарга Ч.Хүрэлбаатарын чуулганд зориулж ирүүлсэн Мэндчилгээг элчин сайдын яамны 2-р нарийн бичгийн дарга Х.Мандахцэцэг уншиж танилцуулав.

Улмаар чуулганы гол ивээн тэтгэгч Rio Tinto компанийн Зэсийн Группийн Хүний Нөөцийн Хэлтэсийн Стратеги Төлөвлөлтийн Албаны менежэр Jessica Farwell чуулганд амжилт хүсэхийн зэрэгцээ өөрийн Компанийн талаар, тэр дундаа Оюу Толгойн ордыг ашиглаж буйтай холбоотой танилцуулга илтгэл тавиж Монголын мэрэгжилтнүүдийг эх орондоо очиж хамтран ажиллахыг уриаллаа.
Чуулганы зочин илтгэгч Монгол улсаас Шведийн Вант улсад суугаа элчин сайд Др. Б.Энхмандах нэгдсэн хуралдаан дээр Монголын нийгмийн хөгжлийн загварын онол, арга зүйн зарим асуудал сэдвээр илтгэл тавив. Сайд илтгэлдээ хөгжлийн загваруудын талаар танилцуулан харьцуулалт хийж, тэдгээрээс умардын орнуудын хэмээн нэрлэгддэг Нордик загвар Монголын хөгжилд илүүтэй тохирох талаар өөрийн судалгаа шинжилгээнд тулгуурласан дүгнэлт саналаа илэрхийлсан юм.
Зочин илтгэлийн дараа чуулган “Хөгжлийн тухай саналууд”, “Санхүү Эдийн засаг - Мэдээллийн Технологи” гэсэн 2 салбараар тусдаа хуралдав.
Хөгжлийн тухай саналууд салбар хуралдаан
Салбар хуралдааныг Британийн Монголчуудын Холбоо, Цахим Өртөө Холбооны тэргүүн Д.Цэрэнбат хөтлөн явуулав.
Инженерийн болон философийн ухааны доктор С.Молор-Эрдэнэ "Мэдлэг ба хувийн санаа" цахим илтгэлээрээ уг салбарын хуралдааныг Монголоос нээв. Илтгэгч өдгөө Монгол оронд маань мэдлэгийг түгээх ёстой газрууд нь элдэв шашин, бөөгийн ухаан, түүнчилэн багш нар хувийн үзэл санаагaa зааж сургаж, мэдлэг гэдэг зүйлийг ойлгож хүндлэх явдал үгүй болж байна. Үүнээс үүдэн заасан багшинхаа хувийн үзэл бодлыг мэдлэг гэж андуурч ярих маргах явдал газар авч энэ нь нийгэмд ч эв нэгдэлийг үгүй болгож хөгжлийг зогсоож буй хэмээн шүүмжлээд, мэдлэгийн талаархи философийн ойлголтуудыг тайлбарлаж, мэдлэг болон хувийн үзэл санааны ялгааг цохон дурдав. Тэрээр мэдлэгийг жинхэнэ утгаар нь эзэмшвээс, хүндэлвээс түүнийг дагаад эв нэгдэл үүснэ улмаар хөгжил явагдана, иймд мэдлэгийг жинхэнэ утгаар нь эзэмшихийг чуулганд оролцогч залууст захисан юм.
Улс төр хөгжлийн ухааны магистр Ж.Өнөрмаа "Иргэдийн оролцоонд тулгуурласан нийгмийн дэвшил: Нийтийн мэдээллийн сүлжээг бодлого боловсруулалтад үр өгөөжтэй ашиглах нь" сэдвийн дор өнөө цагийн нийтээр хэрэглэж буй нийтийн мэдээллийн сүлжээний олон аргуудыг (facebook, twitter, biznetwork, цахим өртөө сүлжээ болон бусад группууд) бодлого боловсруулагчид хэрхэн үр өгөөжтэй ашиглаж болох талаар илтгэлээ.
Польш улсаас хүрэлцэн ирсэн Монголын уламжлалт анагаах ухааны их эмч Др. Проф, Н.Жамсран өөрийн "Эрүүл мэнд - үндэсний аюулгүй байдал" илтгэлээрээ Монгол орны өнөөгийн эрүүл мэнд, эмнэлэгийн тогтолцооны гаж байдал, хүнсний эрүүл мэндийн хяналт шалгалт алдагдсан байгаа зэргийг баримт жишээгээр дэлгэн тайлбарлаж энэхүү тогтолцооны гажуудлаас гарахын тулд нийгмийн эрс шинэтгэл өөрчилөлт хийхээс аргагүй болжээ хэмээн дүгнээд чуулганд оролцогч залуусыг улс төрийн сонгуульд оролцож өөрсдийн төлөөлөгчидөө сонгуулиар гаргаж тавих хэрэгтэй хэмээн уриалав.
ИБУИНВУ-д суугаа Монгол Улсын ЭСЯ-ны нэгдүгээр нарийн бичгийн дарга, Хөгжил судлалын магистр, Б. Чинүүхэй "Хөгжлийн хэмжүүр: Амьдралын чанар" сэдэвт илтгэлээрээ хөгжлийг олон хэмжүүрээр хэмждэг бөгөөд Монгол орны хувьд зарим хэмжүүрээр хөгжлийн ахиц гарсан мэт харагдаж буй ч хамгийн гол иргэн бүрийн сайн сайхан амьдралын хэмжүүр гэж үзэж болох амьдралын чанараар авч үзвэл бидний хувьд хөгжил хийгдсэн гэхэд бэрх байгааг онцлон дурдаад цаашид эрх баригч хүчнүүд хөгжлийн энэхүү хэмжүүрийг гол болгон улс орныг удирдах нь чухал юм хэмээн дүгнэв
Манчестерийн Их Сургуулийн магистрант, А. Долгион "Бодлого боловсруулах үйл явцад бодлогын шилжүүлгийн талаарх мэдлэгийн гүйцэтгэх үүрэг" илтгэлээрээ аливаа улс орон хөгжлийн шинэ төлөв байдалд шилжихдээ гаднаас ямар нэгэн бодлогыг тодорхой хэлбэрээр авч хэрэглэдэг буюу бодлогын шилжүүлэг хийдэг тухай дурдьдаад тэдгээрийн төрлүүд, Монгол орны хувьд бид ардчилсан нийгэмд шилжихдээ бодлогын ямар төрлийн шилжүүлэг ашигласан, тэр нь ямар үр дүнд хүргэсэн цаашид юунд анхаарах талаар өгүүллээ.
Ирландийн Дублингийн Их Сургуулийн магистрант, А. Наранбаатар "Монголын Мал аж ахуй, түүнд мэдээллийн технологийг хэрэглэх хэрэгцээ шаардлага, нэвтрүүлэх боломжууд" илтгэлээрээ Монгол орны Мал аж ахуйн салбарын өнөөдрийн тулгамдсан асуудал болоод байгаа малын халдварт өвчнүүд, тэр дундаа малаас хүнд халдварладаг өвчнийг таслан зогсоож, эрүүл ахуйн шаардлага хангасан малын гаралтай бүтээгдэхүүнийг дотоодын болон гадааддын зах зээлд нийлүүлэхэд малын бүртгэл нь зайлшгүй, бүртгэлийг хийхдээ мэдээлэлийн технологийг ашиглах нь мөн зайлшгүй болохыг өөрийн орны онцлог болоод бусад орнуудад хэрэгжүүлж буй малын бүртгэлийн аргуудтай харьцуулан шинжилжээ.
Санхүү Эдийн засаг - Мэдээллийн Технологи салбар хуралдаан
Салбар хуралдааныг Монгол банкны Лондон дах төлөөлөлгч Б.Энхжаргал, Британийн Монголчуудын Холбооны УЗ-ийн гишүүн, Цахим Өртөө Холбооны гишүүн Др Ц.Базаррагчаа нар хөтлөн явуулав.
Оросын Холбооны Улсын Хөрөнгө Оруулалт Корпораци Хөгжлийн банкны Үнэт цаасны гүйлгээний хэлтсийн дарга Др.М.Бат-Өлзий “Монголын эдийн засагт илэрч бүй ''Голланд өвчиний'' шинж тэмдэгүүд” сэдвийн хүрээнд Монголын эдийн засгийн хөгжлийн ерөнхий дүр төрөхийг илтгэн харуулдаг макро эдийн засгийн үзүүлэлт дээр тулгуурлан Монголд «Голланд евчин»-ний гол шинж тэмдэг болох эрдэс баялагийн экспортын орлого хэт нэмэгдэх, эрдэс баялагийн экспортын өсөлтөөс хамаарч валютын орлого нэмэгдэх, импорт нэмэгдэх, мөнгөний нийлүүлэлт өсч, инфляц өсөх, төгрөгийн нэрлэсэн болон бодит ханш чангарах зэрэг үзэгдлүүд илэрч байгааг үзүүлэн тайлбарлав.
Лондонгийн Санхүү Бизнесийн Их Сургуулийн оюутан Б. Зулбаяр “Европын хөрөнгө оруулагчдыг хэрхэн монгол руу татах вэ?” сэдэвт илтгэлээрээ Монгол улс улс төр, хүмүүнлэг, соёл урлаг гээд олон талаар Европын орнуудтай харилцаа эрчимтэй хөгжүүлж байгаа шигээ хөрөнгө оруулалт, эдийн засгийн тал дээр хэрхэн ахиц гаргаж болох үүнд Европт сууж байгаа монголчууд юу хийж чадах болон цаашид үйл ажиллагаандаа анхаарах, хамтарч ажиллах боломжийн талаар өөрийн санал бодлоо хуваалцав
Лийдсийн Их Сургуулийн Магситрант, Э. Энэрэлт “Монголын хадгаламж эзэмшигчдийн мэдлэг ба санхүүгийн сахилга бат” илтгэлээрээ санхүүгийн салбарын тогтвортой байдлыг хангахад хөрөнгө оруулагч, хадгаламж эзэмшигчдийн үүрэг, нөлөөний чухал байдлыг онцлон дурдаад Монголын хувьд хадгаламж эзэмшигчдийн банкны талаар нийтэд цацагдсан мэдээллийг хүлээн авч, хэрхэн хариу үзүүлж байгааг болон зах зээлийн сахилга бат Монгол улсад ямар түвшинд байгааг эконометрик тестийн аргаар тодорхойлж, ижил, төстэй судалгаа хийгдсэн орнуудтай харьцуулсан үр дүнгээ тайлбарлав.
Нидерланд улсын Aйндховены Технологийн их Сургуулийн докторант судлаач, Монгол-Нидерландын Холбооны тэргүүн, Др. Д. Янжиндулам "Монгол улсад мэдээллийн технологийн кластерыг хөгжүүлэх загвар" илтгэлдээ өндөр технологид суурилсан эдийн засгийн өрсөлдөх чадвар, бүтээмж өндөр, зах зээлд шингэж мөнгө хүн ардад тэгш хүртээмжтэй хуваарилагдахын дээр эдийн засгийн тогтвортой өсөлтийг хангаж байдаг давуу талуудтайг дурдаад “Монгол улсын өнөөгийн бодит нөхцөлд үүнийг хэрхэн амжилттай хэрэгжүүлэх вэ?” гэдэг асуултад Олон Улсын Өрсөлдөөний илтгэлийн статистик болон өндөр технологийн аж үйлдвэртэй улсуудын туршлагуудыг судалж анализ хийсэн ажил дээрээ үндэслэн өөрийн хариултаа гаргаж тавьсан байна. Тэрээр энэхүү илтгэлээрээ Монгол банкны нэрэмжит уламжлалт шагналыг хүртсэн билээ.
Герман улсын International Marine Certification Insitute-ийн ахлах програм зохиогч, Bolorsoft-ийн архитектор болон зөвлөх С.Бадрал “Монголын програм хангамжийн салбарыг хөгжүүлэх илүү арга зам” илтгэлдээ Монголын програм хангамжийн салбар уналтад орсон шалтгааныг өөрийн зүгээс тогтоож уг салбарыг хөгжүүлж, тогтвортой авч явах бидэнд тохирох нэгэн арга замыг засгийн бодлогоос нь сурагчийн бодлого хүртэл нь загварчилн шинжилснээ танилцууллаа.
Үдээс хойшхи хуралдаанд Хилийн чанадад амьдран буй Монгол Улсын иргэдтэй хамтран ажиллах Зөвлөлийн ажлын албаны дарга Ч.Энх-Эрдэнэ "Хилийн чанадад суугаа иргэдийн талаархи Засгийн газрын бодлого, Зөгийн үүр хөтөлбөрийн хэрэгжилт явц"-ын талаар танилцуулга илтгэл тавилаа. Улмаар чуулганд оролцож буй Британийн Монголчуудын Холбоо, Лондон дах Монгол Соёлын Төв, MON Charity, LinguaGlobal, Голландийн Монголчуудын Өлзий Холбоо, Шведийн Монголчуудын Нэгдсэн Холбоо, Ирландийн Монголчуудын Холбоо, Португалийн Монголчуудын холбооний тэргүүлэгч гишүүд өөр өөрсдийн байгууллагын талаар танилцуулга хийж эдгээр зохион байгуулах багаас Холбоодын зүгээс хамтран Зөвлөлд хандан гаргаж буй санал хүсэлтийг нэгтгэн танилцууллаа. Мөн МУГТамирчин мэрэгжлийн боксийн дэлхийн аварга Ч.Цэвээнпүрэв сэтгэлийн үгээ хэлж улс орны тусгаар тогтнолын үндсэн баталгаа болсон иргэдийн эрүүл мэндийн асуудлаар санаа зовниж явдгаа өгүүлж зөв хооллож байнгын дасгал сургууль хийж байхыг зөвлөсөн өөрийн Эрүүл Амьдрах Зөвлөмж номоо танилцуулсан юм.
Чуулганы оройн цэнгүүн Лондонгийн түүхэн дурсгалт Лондон Гүүрийн дэргэдэх 5 одтой GUOMAN TOWER Hotel-ийн хүлээн авалтын танхимд зохиогдож МУГЖ, дуучин Ч. Бат-Эрдэнэ ая дууны мэндчилгээгээ өргөж чуулганы илтгэгч зочидоо шөнө дундыг өнгөртөл баясган цэнгүүллээ.
Талархал
Чуулганыг байр танхимаар хангасан Limkokwing University of Creative Technology, хөрөнгө мөнгөөр ивээн тэтгэж, хамтран ажилласан Хилийн чанадад суугаа Монгол улсын иргэдтэй хамтран ажиллах зөвлөл, ИБУИВУ-д суугаа Элчин сайдын яам, Rio Tinto, Британийн Монголчуудын холбоо, Цахим Өртөө Холбоо, Британи дах Монгол Оюутны Холбоо, Moнгол банк, Монгол Соёлын төв, Ирландийн Монголчуудын холбоо, Монгол Бридж компани, Британид ажиллаж амьдарч байсан Монголчуудын Улаанбаатар хотод суугаа төлөөлөл, Насны Зам Компанийн гадаад Харилцааны алба, Gerege Partners Ltd, socialnet - CCCP Co., Ltd, USI inc компани, хувиасаа ивээн тэтгэсэн Барилга Ассоциацийн Гадаад Харилцаа хариуцсан захирал Н.Амарбат, Др.Базаррагчаа, Л.Дуламзул, Б Алтанхуяг, Renaissance London Chancery Court Hotel-ийн санхүүгийн албаны ажилтан Д.Нандинцэцэг, чуулганы цэнгүүнийг хөтлөн явуулсан МУГЖ Ч.Бат-Эрдэнэ болон чуулганыг зохион байгуулах багийн нийт гишүүдэд чин сэтгэлийн талархал илэрхийлэе.
Чуулганд илтгэлээрээ оролцогч эрдэмт мэргэн та бүхний судалж мэрэгшсэн тань эх Монголынхоо хөрсөнд тааран зохицож цэцэглэн дэлгэрэг.
Б.Марал, Б Жавхлан нарын авсан зургуудыг ашиглав. Илтгэгч нарын дэлгэрэнгүй илтгэлүүд болон чуулганы талаархи бусад мэдээллүүд http://chuulgan.blogspot.com хуудаснаа гарах болно.
Бэлтгэсэн Д.Цэрэнбат

MENDZILGEE

2011-05-06T18:26:00.000-07:00

Yunii umne Ikh Britanii dakhi Mongolzuudiin ulamjlalt ene jiliin zuulgand amjilt khusen mendzileye. Ta bukhniig tavisan zoriltoo urid umnekh zuulganii adil buren bieluulne gedegd itgeltei baina. Mongol ornii khugjild gesen urian dor German, Poland-aas Д. Одонцэцэг, Н. Элбэгзаяа. Ү. Байгалмаа gesen bidnii kheseg nukhed 2006 onii 5 sariin 2 uder iltgel tavin orolzoz bilee. Mun minii bie VI zuulganii Anagaakh ukhaanii ankhnii salbar khuraldaaniig (Dr. Bazarragzaatai khamt) zokhion baiguulsandaa bayartai baidag yum. Ter ued khamtran zutgej ajil khereg bolgoson Zerenbat terguutei olon nukhedee dursakhad saikhan baina. Ikh Britanii Mongolzuudiin Kholbooniihon bolon London dakhi Mongol ulsiin elzin saidiin yamniikhnii setgel, gar niilsen khamtaz ajillagaa, nairsag zozlomtgoi zan khurelzen ozson bidend martagdashgui setgegdel uldeesen bilee. Ta bukhnii khuzin zarmailtaar VI zuulganii iltgelguud emhetgel bolon olnii hurteel bolson. Tend tavisan iltgeldee durdaj baisan sudalgaanii ajil maani mergejliin setguuld (Cold Spring Harbor Laboratory Press, USA) niitlegdseniig ene dashramd tailagnakh nn zuitei bolov uu. http://www.ncbi.nlm.nih.gov/pmc/articles/PMC3004067/?tool=pubmed

Dayarshiliin erind khiliin zanadad baigaa Mongolzuudiin ekh ornoo khugjuulekh erkhem zorilgod enekhuu zuulganii az kholbogdol, ur nulee niited huleen zuvsuuregdej ulam urgejen telj baigaa nn bakharkhaltai khereg yum.

Ylanguya oyutan zaluusiig enekhuu uilsed negtgekhed ikheekhen ulger duurial uzuulekh bolno.

Ukhaant ardiin mine surgasnaar negen uder tanilzan, ueiin ued kholbogdon evseg, ur buteelz olon sanal, sanaazlagiin uud khaalga bolson ulamjlalt zuulgand orolzogz Ta bukhend eruul enkh, setgeliin ikh erz khuz husen eruue.

Ta bukhniig gunee hundetgesen:

Dr. D. Anhlan

Muensteriiin Ikh surguuliin Anagaakh Ukhaanii Virus sudlaliiin Khureelen

Muenster khot 2011-05-06-uder

Чуулганд зориулсан оройн үдэшлэг

2011-05-04T09:51:00.000-07:00

Чуулга уулзалтад оролцогчид сонирхогчид болон зочин төлөөлөлгчидөд зориулсан оройн цэнгүүн Лондон хотын түүх дурсгалын үзэсгэлэнт газруудын нэг Лондон Шилтгээний (Tower of London) дэргэдэх 5 одтой Guoman Tower Hotel ( St Katharine's Way, London E1W 1LD) -ийн хүлээн авалтын танхимд 19:30-аас 23:00 цагуудын хооронд болно.

Цэнгүүний үеэр МУГЖ Ч.Бат-Эрдэнэ ая дууны мэндчилгээ өргөнө.

Халуун хоол буфетээр үнэгүй үйлчилэх ба cash bar ажиллана.

Та бүхнийг өргөнөөр ирж чуулга уулзалтад оролцохоор бусад орнуудаас хүрэлцэн ирсэн зочид илтгэгчидтэйгээ танилцан, 5 одтой буудлын тансаг танхимд ая дууны эгшигэнд бүжиглэн цэнгэхийг урьж байна.

Тасалбарын үнэ £25. Тасалбарыг чуулга уулзалтын танхимд (Limkokwing University of Creative Tehcnology 106 Piccadilly, London W1J 7NL) борлуулна.

Чуулганыг зохион байгуулах баг

Өмнөх чуулганд оролцогчид дэмжигчдээс ирсэн МЭНДЧИЛГЭЭНҮҮД

2011-04-26T14:42:00.000-07:00

Сайн байна уу, Британий монголчуудаа

Та бүхэндээ энэ жил тохиож буй 1911 оны Монголын үндэсний хувьсгалын 100 жилийн ойн баярын мэнд хүргэж, чуулганы ажиллагаанд амжилт хүсье.

Монгол хүн бүхэн үндэсний түүхийн шинэ соргог, үнэн бодит мэдлэгээр өөрийгээ цэнэглэж, түүхээсээ сурч, сургамж авч, баялаг түүхээрээ бахархдаг байхыг хүсье.

Монголын төрийн Мэргэн сайд Амар абугайн хэлсэнчлэн Дэлхий хэмээн хэлэхийн өмнө Монгол хэмээн хэлж, дэлхийн хэл сурахын өмнө үндэсний хэлээ сайтар эзэмших учиртайг мэргэн оюунаа тунгаагаарай. Эс тэгвээс, даяаршиж буй орчлонд түүхээ мэдэхгүй улс, үндэстэний ирээдүй бүдгэрэх аюултайг санаж явахад илүүдэх юу.

Төрөлх нутгийн чинь хөгжилд та бүхний хувь нэмэр ямагт их гэдгийг санаж байхыг хүсье.
Эх нутгаасаа алс хол сурч, амьдарч буй та бүхний санасан бүхэн сэтгэлчлэн бүтэх болтугай.

Та бүхнийг гүнээ хүндэтгэн ёсолсон
Монгол Улсын Шинжлэх Ухааны Академийн
Олон Улс судлалын хүрээлэнгийн түүхийн шинжлэх ухааны доктор,
профессор хэмээгдэх молхи судлаач
О.Батсайхан
__________________________________________________________________________________

Мэндчилгээ

Би одоогоос гурван жилийн өмнө "Алт бидний ирээдүй мөн үү" баримтат киногоо үзүүлж чуулганд интернетээр оролцсон юм. "Аливаа хурал цуглаанд оролцохын тулд явж очиж бөөн зардал чирэгдэл гаргахын шаардлагагүй болсон юм байна" гэдэг талаас нь нийтэд таниулж "Цахим өртөөгөө" ч бас сурталчилж байлаа. Надад ийм боломж олгосон тэр үеийн Лондонгийн хамт олондоо үргэлж талархалтай явдаг юм шүү.

Одоогийн энэ хуралдаанд оролцож буй та бүхэндээ ажлын өндөр амжилт хүсье.
Эх нутаг, ахан дүүсээ гэсэн мөнхийн гал сэтгэл зүрхэнд тань өнө мөнхөд ноцож байг.

Биологийн ухааны Др. Пүрэвсүрэн.

_______________________________________________________________________________

Мэндчилгээ
Odoogoos 2 jiliin omno mimii bie angliin khankhuugiin tugssun St-Andrewsiin university-ed neg semisteriin khugatsaagaar suraltsaj sudalgaa khiikh zavshaan tohioson bilee, ene yedee ner khuntei tus chuulgand oroltsoj iltgel tavikh bolomj garch, tsakhim urtuunii britanii salbariinkhantai taniltsaj bilee.

Als khol Anglid suugaa ch turulkh mongol orniikhoo tuluu setgel zurkh, ouyn ukhaan, erdem medlegee uralduuldag enekhuu chuulgand oroltsogchiddoo amjilt khusie.

Ta bukhnii hicheel zutgel, ermelzel, buhnii tsaana ekh nutgiin mini hogjil devshil saikhan ireedui baigaa gedgiig bitgii martaarai gedgiig helekhiig husch bn,
Amjilt khusie,

Visiting scholar, Tamir Chultemsuren
University of California, Berkeley, USA
_______________________________________________________________________________

Английн монголчуудын бахархал болсон чуулга-уулзалт
7 дахь удаагаа зохион байгуулагдаж байгаа Монголын хөгжилд уулзалт чуулга уулзалт бол үнэхээр английн монголчуудын төрөлх эх орондоо хувь нэмрээ оруулж байгаа нэг сайхан арга хэмжээ билээ. Энэ чуулга уулзалт жилээс жилд өргөжин тэлж, хил хязгаар гатлан дуурсагдах боллоо. Долоон жилийн өмнө анх зохион байгуулагдсан энэ чуулга уулзалт бусад гадаадад байгаа монголчуудад үлгэр дууриалал болж чадсан.
Долоон жилийн өмнө хамтдаа анхны чуулга уулзалтад оролцож байсан хүмүүс одоо ч гэсэн холбоотой байдаг нь энэ чуулга уулзалтын бас нэг сайхан онцлог билээ. Энэ уламжлалыг ч та бүхэн хадгалж яваарай. Та бүхэндээ амжилт хүсье.

Х.Эрдэмбилэг. MONTSAME агентлагийн сэтгүүлч
_____________________________________________________________________

Британий Монголчуудын ээлжит чуулганд амжилт хүсэн оролцож буй эрхэм та нарынхаа амрыг эрж мэндчилж байгааг минь болгооно уу.
Та нарын нэгэн адил гадаадад амьдарч, ажиллаж, сурч байгаа олон хүн Монгол орноо хөгжүүлэх эрхэм зорилго өвөрлөж яваа билээ. Ийм хүмүүсийн санаа бодлыг чуулга уулзалтын уриан дор нэгтгэн зохион байгуулж байгаа Их Британи дах Монгол Улсын Элчин Сайдын Яам, Британийн Монголчуудын Холбоо, Цахим Өртөө Холбоо, Их Британи дах Монгол Оюутны Холбоодод талархалаа илэрхийлье.

Миний бие 2-р чуулганд оролцож байснаа эргэн харьцуулахад сүүл сүүлийн чуулга уулзалтын цар хүрээ өргөжиж, хэлэлцүүлж байгаа асуудлууд гүнзгийрч байгаа нь илт байна. Оролцож байгаа хүрээ газарзүйн хувьд ч тэлсэн байна. Монголын засгийн газар ч гадаадад байгаа монголчуудынхаа асуудлыг хариуцдаг албатай болсон байна. Энэ бол бас нэгэн баярлууштай зүйл юм. Энэхүү албанд ажиллаж байгаа хүмүүс та нарын илтгэлээс хийх ажлынхаа чиглэлийг нарийн олж харж Монголын хөгжлийн бодлогод тусгаж чадваас энэ чуулга уулзалтын утга агуулга хийгээд хувь нэмэр ихсэх учиртай билээ.

Оюун ухаанаа уралдуулахаас гадна нэг нэгэнтнэйгээ дотно танилцах энэ сайхан боломжийг та нарт олгож байгаа чуулга уулзалтанд амжилт хүсэж та бүхэн сайхан хуран чуулах ерөөлийг дэвшүүлье.

Үүний тул Бонны Их Сургуулиас ёсолсон Др. Д. Баярсайхан

МОНГОЛ ОРНЫ ХӨГЖИЛД 7 ДАХ ЧУУЛГА УУЛЗАЛТЫН ЗАР

2011-04-25T00:54:00.000-07:00

Британийн Монголчуудын зохион байгуулдаг “Монгол орны хөгжилд” сэдэвт долоо дугаар чуулга-уулзалт 2011 оны 5 сарын 7-ны Бямба гарагт Лондон хотын төв хэсэгт орших Limkokwing University of Creative Tehcnology -ийн Лондон дах салбарын байранд 8:00 – 17:00 цагуудын хооронд зохиогдоно.

Энэ жилийн чуулга уулзалт нь Мэдлэгт суурилсан хөгжил ерөнхий нэрийн дор Хөгжлийн тухай саналууд болон Санхүү эдийн засаг - Мэдээллийн технологи гэсэн 2 салбараар хуралдана.

7-р чуулганы онцлогуудаас:
•    Чуулга уулзалтад Герман, Голланд, Ирланд, Монгол, Оросын Холбооны Улс, Польш, Португаль, Швед улсуудаас илтгэгч оролцогчид хүрэлцэн ирж байна.
•    Зочин илтгэгчээр Монгол улсаас Шведийн Вант Улсад суугаа онц бөгөөд бүрэн эрхэт элчин сайд Б.Энхмандах оролцож Монголын нийгмийн хөгжлийн загварын онол, арга зүйн асуудалд сэдэвт илтгэл тавина
•    Ерөнхий сайдын дэргэдэх Хилийн чанадад суугаа Монгол улсын иргэдийн эрх ашгийг хамгаалах хамтран ажиллах зөвлөлөөс чуулганд зориулж 2 сая төгрөгийн тусламж үзүүлж буйн зэрэгцээ уг зөвлөлийн нарийн бичгийн дарга, ажлын хэсгийн дарга Ч.Энх-эрдэнэ хүрэлцэн ирж гадаадад суугаа иргэдийн талаар авч хэрэгжүүлж буй засгийн газрын бодлого чиглэл, “Зөгийн үүр” хөтөлбөрийн талаар танилцуулга хийж гадаадад үйл ажиллагаа явуулж буй Монголчуудын байгууллага холбоодын төлөөлөгчид, иргэдтэй уулзаж ярилцана
•    Чуулганы ажиллагаанд Оюу Толгойн ордыг олборлогч Rio Tinto компани ивээн тэтгэгчээр оролцон өөрийн компанийн талаар илтгэл тавьж ажлын байрны танилцуулга сурталчилгаа хийнэ.
•    Чуулганд илтгэлээрээ оролцогч зочид Лондонгийн төв хэсэгт байрлах 5 одтой Renaissance Chancery Court зочид буудалд байрлана
•    Чуулганд оролцогсод зохион байгуулагч ивээн тэтгэгч нарт зориулсан үдэшлэгт МУГЖ Ч.Бат-эрдэнэ ая дуугаа өргөж МУГТамирчин, мэрэгжлийн боксийн дэлхийн аварга Ч.Цэвээнпүрэв нарын алдартнууд урилгаар оролцоно. Үдэшлэгийн тасалбарыг (£20) чуулганы танхимаас худалдан авч болно.

Британи дах Монгол оюутны Холбооноос санаачилан хэрэгжүүлж буй Education Fund төслийн хүрээнд чуулганы үеэр Англи хэл дээрхи ном сонин сэтгүүл толь бичиг хүлээн авна. Дэлгэрэнгүй мэдээллийг энд дарж авна уу

Чуулганыг Монгол Улсын Элчин Сайдын Яам, Британийн Монголчуудын Холбоо, Цахим Өртөө Холбоо, Их Британи дах Монгол Оюутны Холбооноос хамтран зохион байгуулж байна.

Чуулганы урьдчилсан хөтөлбөрийг энд дарж үзнэ үү

Монголд математикийн зөв хэрэглээ дэлгэрэх болтугай

2010-05-19T15:26:00.001-07:00

Британийн Монголчуудын уламжлалт Монгол орны хөгжилд 6-р чуулга уулзалтад Шведийн Стокгольмийн Эдийн Засгийн Сургуулийн докторанд Н.Ууганбаатар ирж оролцон “Мэдээллийн онол ба түүний боломжит хэрэглээнүүд” илтгэлээрээ Цахим Өртөөний нэрэмжит Эрдэм өргөмжлөл мөн Холбооны гишүүдийн хамтын бүтээл болох номын дээжсээр шагнагдсан билээ. Энэ өргөмжлөлийг хүртсэн илтгэгчээс ярилцлага авч Цахим Өртөөгөөрөө уншигчдад хүргэдэг уламжлал ёсоор Н.Ууганбаатартайгаа хөөрөлдлөө.
Мөн энэ дашрамд бидний чуулганыг дэмжиж илтгэгч Н.Ууганбаатарыг ивээн тэтгэсэн Шведийн Вант Улсад суугаа элчин сайдын яамны хамт олон, элчин сайд Б.Энхмандах танаа гүнээ талархаснаа илэрхийлье.
1.    Юуны өмнө танд чуулга уулзалтад амжилттай оролцож маш сонирхолтой илтгэл тавин Цахим Өртөө Холбооны нэрэмжит "Эрдэм" өргөмжлөл хүртсэнд баяр хүргэе
За баярлалаа. ”Эрдэм” гэсэн нэрийг нь би ихэд билигшээж байгаа.

2.    Та өөрийгөө товч танилцуулахгүй юу? Яг ч математикийг мэрэгжил болгож эзэмшээгүй хүн болтой. Гэтэл илтгэл тань тэр чигээрээ математикийн ухаантай холбогдоод явчихсан.
Миний хувьд бол уг нь дунд сургуульд (хуучнаар МУИС-н Гүнзгий, бидний үед бол Монгол-Туркийн Хамтарсан Сургууль) сурч байхдаа математикт чамгүй дурлаж байлаа. Харин баклаварт суралцахдаа Санхүү, Эдийн засгийн чиглэлээр дагнасан юм. Тэгээд Австри Улсын Венн хотод Математик Эдийн Засаг болон Математик Статистикийн чиглэлээр магистрт суралцсан минь математикт сонирхох сонирхолыг минь дахин сэргээсэн гэх үү дээ.

Нөгөөтэйгүүр, өнөө үед шинжлэх ухаанууд хоорондоо их холбогдож байх шиг байна. Тэр утгаараа шинжлэх ухааны хөгжилтэй хөл нийлүүлэн урагшлах, тэр хөгжилд нь хувь нэмэрлэх гэж буй хүн бүр, өөрийн салбараасаа гадна өөр салбаруудыг бас сонирхон судлах хэрэгцээтэй болсон мэт санагддаг юм. Мэдээж тиймэрхүү салбаруудын хамгийн түрүүнд нь математик бичигдэх байх.

3.    Мэдээллийн онолыг судлах математик аргачлалын талаар та илтгэлдээ ярилаа. Уншигчдад энэ санаагаа жаахан дэлгэрүүлж хэлвэл.
Мэдээллийн онол нь харилцаа холбооны буюу мэдээлэл дамжуулах ямарваа системийг математик аргачлалаар судалж эхэлсэнээс үүдэлтэй юм билээ. Энэ салбарын хамгийн эхний дорвитой үр дүн нь Америк математикч Клод Шэнноны 1948 онд хэвлүүлсэн бүтээл юм. Тус бүтээлдээ Шэннон, мэдээлэл дамжуулах ямарваа системийн хурдны дээд хязгаарыг нь тогтоосон байдаг. Миний илтгэл ерөнхийдөө бол Шэнноны баталсан үр дүнгүүдийн талаар байсан.

Ер нь бол 20 зууны сүүлийн хагаст мэдээллийн технологи маш богино хугацаанд үсрэнгүй хөгжсөн нь, мэдээллийн онолтой буюу харилцаа холбооны аливаа системийг математик аргачлалаар судалж, тодорхой үр дүнгүүдэд хүрсэнтэй шууд холбоотой болов уу. Миний бодлоор энэ Мэдээллийн онол, сонирхож үзсэн хүн бүрийн нүдийг нь нээмээр их гүнзгий, бас урмыг нь сэргээмээр их уран (aesthetic) онол байна лээ.

4.    Ер нь математикийн хэрэглээ улам ихээр нэмэгдэж буй нь түүний алив зүйлд хандах уг хандлага, арга барилтай нь холбогдож буй юм аа даа? Та хэл шинжлэлд ч математик аргаар тэр дундаа Шенноны онолыг үндэслэн хандаж болох талаар сонирхолтой жишээ ярилаа
Тийм л болов уу. 20-р зууныг хүртэл математик голдуу байгалийн ухаанд хэрэглэгдэж байсан бол 20-р зуунд математик аргачлалууд нийгмийн ухаануудад, инженер технологийн дэвшлүүдийг санаачилахад өргөнөөр хэрэглэгдэх болсон. Үүний хамгийн тод жишээ нь та бидний өдөр тутмын хэрэглээ болсон компьютерийн технологийн үүсэл, хөгжил байх.

Харин хэл шинжлэлийн хувьд бол, Шэнноны онол нэлээд ерөнхий нөхцөлд томъёлогдсон байдаг болохоор харилцаа холбооны ямар ч систем энэ онолд хамаарах учиртай. Хэл ч гэсэн нэг төрлийн ийм системд зүй ёсоор тооцогдоно. Энэ утгаараа хэлтэй холбоотой зарим судалгаанууд мэдээллийн онолд суурилах бүрэн боломжтой. Жишээ нь би энэ удаад ”Нүүдэлчдийн оюуны өв нь тэдний хэлэнд нь байдаг” гэсэн дүгнэлтийг мэдээллийн онолд тулгуурлан баталгаажуулж болох юм гэсэн санаа дэвшүүлсэн. Угтаа бол нүүдэлчдийн хэрэглэдэг зүйр үгс нь нийтдээ аль хир их (хэдэн байт) мэдээлэл агуулж байгааг нь тооцоолох, тэгээд бусад хэлнүүдийнхтэй харьцуулах маягаар иймэрхүү судалгаа хийгдэж болох юм гэсэн санаа.

5.    Монгол оронд маань математик аргачилалаар асуудалд хандах байдал хөгжих болтугай гэсэн санаагаар та илтгэлээ өндөрлөсөн. Ер нь манайхан асуудалд гол аргачилалаа дагаж бус завсрын нөлөөлөлд орсон байдлаар хандаад буй гэсэн дүгнэлт гаргаж болох уу?
Бидний хувьд хөгжихийн тулд, 21 зууны дэлхий нийтийн хөгжилтэй хөл нийлүүлэхийн тулд, математикийг ашиглаж сурах нь зайлшгүй хэрэгцээ болов уу. Учир нь математик үр дүнгүүд хүний бусад мэдрэмжүүдээс огт өөр байдаг юм шиг санагддаг юм. Өөрөөр хэлбэл, математикийг өөр зүйлээр (мэдрэмж, туршлага гэх мэт) орлуулах боложгүй юм шиг. Гэтэл нөгөө талаас, хүн төрлөхтөний хөгжил дэхь, тэр ч бүү хэл бидний өдөр тутмын амьдрал дахь математик гаралтай эмементүүд улам ихсээд байх шиг. Тэр бүхнийг ойлгох, тэдэнтэй нэг түвшинд хүрэхийн тулд математикийг өөрийг нь ашиглахаас өөр сонголт бараг үгүй л болов уу.

Асуултын хоёр дахь хэсэг нь Монголын өнөөгийн байдалтай холбоотой байх шиг байна. Бид чухам ямар арга барил голлон хэрэглэж байгааг нь би сайн мэдэхгүй юм. Гэхдээ та бид хоёрын энд яриад байгаа тэр математик арга барилууд төдийлөн хэрэглэгдэхгүй л байгаа болов уу. Хэрэв тийм бол энэ байдал маань, бид маш том боломжийг алдаж, бидэнд туйлын их ач тус өгөх тэр ”багжаа” хэрэглэхгүй байгаатай л адил. Ер нь бол хүн төрлөхтөний түүхэн дэхь хамгийн чухал газар зүйн нээлтүүд, байгалийн ухаануудын үндсэн үр дүнгүүд болон техник, технологийн аливаа дэвшилд (аж үйлдвэрийн хувьсгал, мэдээллийн технологийн хувьсгал гэх мэт) математик элемент заавал байдаг жамтай. Энэ нь тохиолдол биш байх аа.

6.    Чуулганаас үлдсэн сэтгэгдэлээ та хуваалцахгүй юу? Өөр бусад улсуудаас ирсэн зочин илтгэгч нартайгаа их дотно сайхан танилцаж хойшид хамтран хийж бүтээх санаа ихийг солилцсон байх
Зохион байгуулалтын хувьд ч тэр, оролцогч хүмүүсийн талаасаа ч тэр их сайхан чуулган боллоо гэж би бодож байгаа. Сайхан үйлс бүр бас өөр сайхан үйлсийн эхлэл нь болдог хойно, энэ удаагийн чуулган ч гэсэн, наанадаж чуулганд оролцогчдын цаашдийн хамтын ажилд, цаашлаад эх орны минь хөгжилд сайнаар нөлөөлөх байх гэж итгэж байгаа шүү. Ярилцсан хөөрөлдсөн юмс бидэнд бий.

За баярлалаа Таны цаашдын эрдэм номын ажилд өндөр амжилт хүсье!
Баярлалаа. Цахим Өртөөний та бүхэнд мөн сайн сайхныг хүсье!

Хөөрөлдсөн Д.Цэрэнбат

Ярилцагчийн шигтгээ:
Цахим Өртөөний анхны Өргөмжлөлийг 2006 онд тур үед Кэмбриджийн Их Сургууль Докторын зэргээ хамгаалж байсан өдгөө МУИС-ийн Анторпологийн тэнхимийн эрхлэгч Д.Бум-Очир,"Хайлж буй дээд Монгол" илтгэлээрээ хүртсэн юм. Түүний энэ илтгэл Цахим Өртөөгөөр олонд хүрч тэр л мэдээллээр Монгол түмэн Дээд Монгол хэмээх бидний нэгэн тасархай байдгийг мэдэж Монгол судлаачдын үүргэвчтэй, телевизийн сурвалжлагуудын камертай аян ар араасаа хөх нуурын Монголчуудын зүг хөвөрсөн билээ.
Хоёр дах өргөмжлөлийг хүртсэн Ууганбаатар андын маань санаа ч Монгол оронд маань тэр мэт түгэн дэлгэрэхийн ерөөл өргөе.

Чуулганы сурвалжлага

2010-05-18T01:22:00.000-07:00

Монгол Соёлын Төвийн дэргэдэх ЛондонМН студиогийн хийсэн "Монгол орны хөгжилд" 6-р чуулга уулзалтын талаархи сурвалжлага

Илтгэлүүдээс танилцуулах нь

2010-05-13T06:28:00.001-07:00

Чуулга уулзалтад тавигдсан илтгэлүүд товхимол болон хэвлэгдэн гарна. Илтгэгч нар маань өөрсдийн илтгэлээ засаж сэлбэн хэвлэмэл хэлбэрт оруулах энэ зуур олон нийтээс ирж буй хүсэлтийн дагуу илтгэлүүдийн үзүүлэх хуудсуудыг сонирхуулж байна.

Чуулга уулзалтын зочин илтгэгч ШУА-ийн Олон улс судлалын хүрээлэн, Түүхийн шинжлэх ухааны доктор, Профессор О.Батсайханы илтгэл:
ХХ ЗУУНЫ МОНГОЛЫН ТҮҮХ: МОНГОЛЫН СҮҮЛЧИЙН ЭЗЭН ХААН VIII БОГД ЖАВЗАНДАМБА ХУТАГТ БА 1911 ОНЫ МОНГОЛЫН ҮНДЭСНИЙ ХУВЬСГАЛ

Нийгмийн мэдээллийн хэрэгсэлтэй харьцах ажиллагааг зохион байгуулагч, Metropolitan University-ийн төгсөгч О.Гэрэлтуяагийн илтгэл:
ИРГЭНИЙ МЭДЭЭЛЭЛ ЗҮЙ БА ТҮҮНИЙ МОНГОЛЫН НИЙГЭМ ДЭХ АЧ ХОЛБОГДОЛ

Цахим Өртөөний нэрэмжит ЭРДЭМ өргөмжлөл хүртсэн Шведийн Стокгольмийн Эдийн Засгийн Сургуулийн Докторант Н.Ууганбаатарын илтгэл:
МЭДЭЭЛЛИЙН ОНОЛ БА ТҮҮНИЙ БОЛОМЖИТ ХЭРЭГЛЭЭНҮҮД

Чуулган амжилттай болж өндөрлөлөө

2010-05-05T15:23:00.000-07:00

Британи дахь Элчин сайдын яам, Британийн Монголчуудын Холбоо хамтран "Монгол орны хөгжилд" сэдэвт 6 дахь удаагийн чуулга уулзалтыг 2010 оны 5 дугаар сарын 2-ны Ням гарагт Лондон хотын Piccadilly дүүрэгт байрлах Limkokwing Их Сургуулийн байранд амжилттай зохион байгуулав.

Чуулганд нийт 8 орны (Британи, Герман, Ирланд, Монгол, Польш, Финланд, Франц, Швед) 24 илтгэгчид цахим болон биеэр оролцож Анагаах ухаан, Математик - Мэдээллийн Шинжлэх Ухаан -Инженерчлэл, Нийгмийн ухаан гэсэн 3 салбар хуралдаануудад илтгэл тавьж хэлэлцүүллээ. Чуулганд орлцохоор Британид суралцаж, ажиллаж буй оюутан, судлаач нарын төлөөлөл 150 орчим Монголчууд хуран цугларсан байлаа.

Монгол Улсаас ИБУИНВУ-д суугаа элчин сайд Б.Алтангэрэл чуулга уулзалтыг нээж хэлсэн үгэндээ Британийн Монголчуудын энэхүү чуулга уулзалт нь жилээс жилд өргөжиж Европийн улс орнуудаас олон эрдэмтэн судлаач нар маань ирж оролцож буйд сэтгэл хангалуун буйгаа илэрхийлээд энэ жилийн чуулга уулзалтад Засгийн Газрын зүгээс ач холбогдол өгөн оролцож буй нь чуулганы нэгэн шинэ үеийн эхлэл юм хэмээн тодорхойлов.

Чуулганы нээлтэнд Монгол улсын Засгийн газрын Хэрэг Эрхлэх Газрын дэргэдэх “Хилийн

чанад дах Монгол улсын иргэд, хуулийн этгээдийн эрх ашгийг хамгаалах, хамтран ажиллах зөвлөл”-ийн ажлын хэсгийн дарга Ч.Энх-Эрдэнэ зөвлөлийн багийн гишүүдийнхээ хамт онлайн оролцов. Тэрээр Монгол орны хөгжлийн өнөөгийн төлөв байдал, эдийн засаг нийгмийн төрөл бүрийн салбарт мэрэгшсэн чадвартай боловсон хүчин шаардагдаж буй тухай, хилийн чанадад суугаа Монголчуудаа энэхүү орон зайд ирж ажиллах боломжоор хангахын тулд тус зөвлөл байгуулагдан ажиллаж буй зэргийн талаар танилцуулж чуулганд өндөр амжилт хүслээ.

Чуулганы зочин илтгэгчээр Шинжлэх Ухааны Академийн Олон Улсын Судлал Хүрээлэнгийн эрдэм шинжилгээний ахлах ажилтан Профессор, түүхийн ухааны Др О.Батсайхан уригдан оролцож 2011 онд болох Үндэсний эрх чөлөөний хөдөлгөөний 100 жилийн ойг тохиолдуулан “ХХ зууны Монголын түүх: 1911 оны Монголын Үндэсний хувьсгалын удирдагч VIII богд Жавзандамба хутагт ба түүний тухай түүх судлалд өгүүлсэн нь” сэдэвт илтгэл тавив.

Чуулга уулзалтыг зохион байгуулагч Элчин сайдын Яам, Британийн Монголчуудын холбооноос гадна Limkokwing University of Creative Technology, Уулын баяжуулах Эрдэнэт үйлдвэр, МCS Group, Британид үйл ажиллагаа явуулдаг Монголчуудын эрхэлдэг бизнесийн байгууллагууд болох Cashmere Republic, Semon Cashmere, Sonin.mn, Монголын Соёлын Төвийн дэргэдэх ЛондонМН Студио, Будда Медиа Студио, Mongol Bridge, Mongol Pub, Lingua Global, Британид ажиллаж амьдарч байсан Монголчуудын Улаанбаатар хотод суугаа төлөөлөл, V чуулганыг зохион байгуулах багийн ахлагч Т. Индра, А.Нямдорж нар, иргэн Н.Батхуяг, V, VI чуулганыг зохион байгуулах багийн гишүүн Б.Нямбаяр нар үйл ажиллагааг ивээн тэтгэв.

Чуулганы төгсгөлд уламжлал ёсоор байгууллагууд шилдэг илтгэлүүдэд өөрийн нэрэмжит шагналаа олгов. Стокгольмын Их Сургуулийн Эдийн засгийн сургуулийн докторант Н.Ууганбаатар “Мэдээллийн онол ба түүний боломжит хэрэглээнүүд” сэдэвт илтгэлээр Цахим Өртөө Холбооны “Эрдэм” өргөмжлөлийг хүртэж тус холбооны гишүүдийн хамтран зохиосон болон орчуулсан номын дээжсээр шагнагдсан бол Нийгмийн Эрүүл Мэндийн Хүрээлэнгийн эрдэм шинжилгээний ажилтан, тархвар судлаач, докторант Б.Сувд “Улаанбаатар хотын агаарын бохирдол ба хүн амын эрүүл мэндэд үзүүлж буй нөлөө илтгэлээрээ " Air Pollution Mitigation Process Ulaanbaatar, Mongolia" төслийн шагнал 100 пуандаар урамшуулагдав.

Чуулга уулзалтад оролцсон илтгэгч нар, тавигдсан илгэлүүдийн товч танилцуулгыг ЭНД ДАРЖ үзнэ үү!

Чуулганы үеэр номын худалдаа явагдаж Британид үйл ажиллагаагаа явуулдаг Амьдралын дасгалжуулагч, MGL Charity байгууллагууд үйл ажиллагаагаа сурталчилан таниулав.

Чуулганыг Монгол Соёлын Төвийн дэргэдэх ЛондонМН Студио, NTV телевизийн Лондон дах сэтгүүлч Шинэцэцэг нар сурвалжиллаа.

Чуулга уулзалттай холбогдох санал бодлоо энэхүү http://chuulgan.blogspot.com хуудсаар дамжуулан мөн chuulga@gmail.com хаягаар ирүүлж болно.
__________________________________________________________________________

Чуулганаас төрсөн Хачиртай наргианууд

Бид дандаа л ном ярьж серозны царайлсангүй. Олон цугласан газар хойно дурсаж ярьж инээж хөхрөх учир тохиол багагүй гарав аа.

Монголоороо анх удаа намуухан илтгэсэн нь
Холоос ирсэн нэг эрдэмтэн маань их намуухан ярих. “Та жаахан чанга ярих арга байна уу, энд дуулдахгүй байна” хэмээн танхимын араас нэг нь дуу өндөрсгөн сүрдүүлэхэд “20 жил ном хөөлөө. Анх удаа Монгол хэл дээр илтгэж байна. Их сандарч байна шүү” хэмээн үнэн ээ өчиж ичэнгүйрлээ задалснаар илтгэл нь сайхан үргэлжилэв ээ.

Математикчид цугласан газраас магад нэг дэвшил гарах нь
Матетикийн салбар хуралдаан дээр Шведээс ирсэн Ууганбаатар маань галтай цогтой ярьж байна аа. “Ер нь дэлхийн 1, 2–р дайны үед Физикчид, Математикчидын гаргасан онолын хэрэглээ л ялалтад хүргэж байсан. Иймд олон математикчид нэг газар нийлвэл том үйл хэрэг бүтэхийн зондон” хэмээн аксиомдсон нь тус салбар хуралдааны ирээдүйг хэлсэн бошго байгаасай гэж олон хүн дотроо залбирав.

Нас тогтсон ч намбаа мартсан нь
Бусад улс орнуудаас ирсэн зочидын маань ихэнх нь нэг буудалд бууцгаасан юм. Чуулганы оройн “цүү хаях” арга хэмжээнд авахаар очтол “Манай хөвгүүд сая төөрөөд” хэмээн бүсгүйчүүд нь жиг жиг хөхрөлдөхөд “охидуудаа орхиод сүрхий гарсан зам будилав” хэмээн эрчүүд нь хүр хүр инээлдэх нь тэд маань хоёрхон хоногт дотносон танилцаж бүр дунд сургуулийн сурагчид мэт нэг нэгнээ “охид” “хөвгүүд” хэмээн дуудах болсон нь энэ удаагийн чуулганаар бүрдсэн эвсэг нэгэн бүл байв.

Монгол гэдгээ мэдэрч, Хийморь сүлд сэргэсэн нь
Түүхийн ухааны Др, профессор О Батсайханы илтгэлийг сонссон Лондон хотноо цөөнгүй жил амьдрагч нэгэн “таны илтгэлийг сонсоод Монгол гэдгээ мэдэрч, үнэхээр нэг хийморь сүлд минь сэргэх шиг боллоо” хэмээн уулга алдав. Нутаг нэгт маань ажил гэж гүйсээр Монгол гэдгээ мартах шахсанаа ч нуусангүй.

Элбэгзаяа Докторийг элдсээр байгаад уулзаж эгч дүүс болохыг шахав
Чуулганы дараа Монгол Бриджээс зохион байгуулсан оройн цэнгүүн цомхон сайхан боллоо. Илтгэгч, зохион байгуулагчид голлосон энэ арга хэмжээн дээр чуулганд оролцогч нэгэн бүсгүй зорин зорин ирснээ хэлэн Элбэгзаяа Докторийн илтгэл тун сайн байсныг дуулган баярлаж талархаснаа баруун зүүн хацрыг нь үнсэн илэрхийлэв. Сүүлдээ тэд маань бараг элэг нэгссэн эгч дүүс мэт болж элдвийг хөөрөн сууцгаах нь сайхан. Төөрсөөр төрөлдөө гэж.

Европийн Монголчуудын хэлхээ бэхжин батжиг
Оройн цэнгүүн дээр оргилуун дарсаар дөрөө чангалсан чуулаачид орон орноороо харилцан туслалцах хамтын ажиллагааны меморандумд гарын үсэг зурах шахцгаалаа. 2012 оны Олимпид Лондончууд бусад орныхоо Монголчуудад үйлчилэх бол 2012 оны Европийн хөл Бөмбөгийн аваргын Польшид болох хэсгийг үзэх арга хэмжээг Польшийн Монголчууд даах гэх зэргээр аман тохироо хийгдэв. Ер энэ санаа хэрэгжин гүйцэлдэж Европийн Монголчуудын хэлхээ улам бүр бэхжин батжих болтугай.

Энэ жилийн чуулга уулзалтын онцлогуудаас

2010-04-25T15:20:00.000-07:00

Чуулганаар уламжлалт нийгмийн ухааны салбарын хэлэлцүүлгүүдээс гадна, Анагаах ухаан, Математик - Мэдээллийн Шинжлэх ухаан - Инженерчлэлийн сэдвээр салбар хуралдаанууд зохион байгуулагдана. Эдгээр салбарууд нь улс орны хөгжлийн суурь асуудлуудтай холбогдох сэдвүүдийг хөндөн хэлэлцэж, мөн эдгээр чиглэлээр мэрэгшиж ажиллаж буй гадаад улс орнуудад суугаа судлаач залуусаа танилуж байна.

Салбар тус бүрийг тухайн салбартаа эрдмийн зэрэг цол хүртсэн мэрэгжлийн судлаачид, Британийн Монголчуудын Холбооны Удирдах Зөвлөлийн гишүүдтэй хамтран зохион байгуулж байна.

Бусад улс орнуудаас илүү олон оролцогчид тухайлбал Герман, Голланд, Ирланд, Монгол, Польш, Финланд, Франц, Швед зэрэг орнуудаас цахим хэлбэрээр болон биеэр ирж оролцож байна

Хамгийн олон буюу нийт 23 илтгэлүүд энэ удаагийн чуулганаар хэлэлцэгдэх ба илтгэгч нарын 11 нь докторын зэрэгтэй, 7 нь докторын зэрэг хамгаалахаар суралцаж байна

Чуулга уулзалтад зориулан Монгол улсын засгийн газрын хэрэг эрхлэх газар, Ерөнхий сайдын дэргэдэх Хилийн чанадад суугаа Монгол улсын иргэн, хуулийн этгээдийн эрх ашгийг хамгаалах, хамтран ажиллах зөвлөлөөс цахим хэлбэрээр оролцож Засгийн газраас хилийн чанадад суугаа иргэдийнхээ талаар авч хэрэгжүүлж буй бодлогоос танилцуулна

2011 онд болох Үндэсний эрх чөлөөний 100 жилийн ойтой холбогдуулан Шинжлэх Ухааны Академийн Олон улс судлалын Хүрээлэнгийн Профессор, Түүхийн ухааны доктор О.Батсайхан “ХХ зууны Монголын түүх: 1911 оны Монголын Үндэсний хувьсгалын удирдагч VIII богд Жавзандамба хутагт ба түүний тухай түүх судлалд өгүүлсэн нь” сэдэвт гол илтгэлийг чуулганы эхэнд нийтэд хандан тавина.

Дэлхийн 7 орны 10 гаруй оронд салбартай Малайзад төвтэй Limkokwing University of Creative Technology Лондонгийн төвд эд өлгийн хамгаалалтын жагсаалтад байдаг өөрийн үзэсгэлэнт байраар тус чуулганыг ивээн тэтгэж, зохион байгуулах боломжийг олгож байна.

Бүтээлч Технологийн Лимкоквинг Их Сургууль нь энэ дэлхийн ирээдүй хойчийн эздэд үлгэрлэн манлайлахын ур чадварыг, соёл иргэншлүүдийг ойлгон хүндлэх мэрдэмж ухааныг, үйл хэргийг гардаж бүтээхийн эв дүйг эзэмшүүлэх хүмүүнлэг боловсролд чиглэсэн шинэ сургалтыг нэвтрүүлж байна.
Лимкоквинг нь Куала Лүмэд төвтэй 7 оронд 12 салбар бүхий даяан дэлхийн сургууль юм.

Лимкоквинг –ийн Лондох дах байр нь хоёр зуу гаран жилийн түүхтэй уран барилгийн нэгэн шилээвэр бүтээл билээ. Сургууль нь Лондонгийн төв алдарт Пикадилла-ийн гоёмсог барилгуудын хороололд оршдог нь оюутан сонсогчид ойролцоох буудлуудаас судалгаа шинжилгээгээ хийхээр эрдэм номын бусал газрууд руу явахад нь байрлалын үлэмж давуу байдлыг бий болгодог.

Чуулганыг Элчин Сайдын Яам, Цахим Өртөө Холбооны ХАШ төсөл, Ouyn Cashmere Ltd, Mongol Bridge. Mongol Pub, Lingua Global, Sonin.mn, иргэн Т.Индра, А Нямдорж, иргэн Б.Нямбаяр зэрэг байгууллага хувь хүмүүс ивээн тэтгэж хамтран ажиллаж байна. Мөн өөр бусад байгууллага хувь хүмүүс ч төрөл бүрээр ивээн тэтгэж хамтран ажиллахад бид бүхэн нээлттэй.

Энэ удаагийн чуулганд байгууллага хувь хүмүүс өөрсдийн үйл ажиллагаагаа чуулганы үеэр үнэ төлбөртэйгээр сурталчилан таниулах ажиллагаа өргөнөөр хийгдэх гэж байна. Тухайлбал Монголын бизнесийн ертөнцөд тэргүүлэх үйл ажиллагаатай, олны танил MCS Group чуулганд оролцогсдод үйл ажиллагаагаа танилцуулж хөдөлмөрийн зах ажилуулна. Мөн Британид үйл ажиллагаа явуулдаг Lingua Global, UK Tour, Life Coach зэрэг байгууллагууд өөрсдийн үйл ажиллагааг сурталчилна.

Өнгөрснөө дурсаж, өнөөгийн чуулганаа дэмжих уулзалт боллоо

2010-04-23T08:58:00.000-07:00

"Монгол орны хөгжилд" чуулганыг хамтран зохион байгуулалцаж, түүнд илтгэлээрээ оролцож, дэмжин тусалж байсан Британид ажиллаж амьдарч байсан Монголчуудын нөхөрсөг уулзалт, удахгүй болох 6-р чуулга уулзалтад хандив өргөх ажиллагааг Улаанбаатар хотноо 4 сарын 16-ны Пүрэв гарагт Британийн Монголчуудын холбоо, Гэрэгэ Партнерс компаниас хамтран зохион байгуулагдлаа.

Уулзалтад 30 гаруй Монголчууд хүрэлцэн ирж Британид ажиллаж суралцаж байсан үеийн дурсамжаа сэргээж нэгэн оройг хөгжөөнтэй сайхан өнгөрөөлөө

Уулзалтад Засгийн газрын Хилийн чанад дах Монгол улсын иргэн, хуулийн этгээдийн эрх ашгийн хамгаалах, хамтран ажиллах зөвлөлийн ажлын хэсгийн дарга Ч.Энх-Эрдэнэ (зураг дээр зүүн гар талд) оролцож өөрийн албаны үйл ажиллагааны талаар, Цахим Өртөө Холбооны Удирдах Зөвлөлийн дарга Д.Сайнбаяр цахим өртөө сүлжээ болон цахим өртөө холбооны үйл ажиллагааны талаар танилцуулгууд хийв. Мөн Британийн Монголчуудын холбооны тэргүүн Д.Цэрэнбат уулзалтад зориулан Британиас мэндчилгээ ирүүлснийг тус холбооны гишүүн Д.Баатар уншиж танилцууллаа.

Уулзалтад орoлцогчдоос 6-р чуулганд зориулж 200 ам доллар 160 000 төгрөгийн хандив өргөснийг дуулгахад таатай байна.

Уулзалтыг зохион байгуулагчид

2010-04-06T08:25:00.000-07:00

Эрхэм хүндэт та бүхнийг “Монгол орны хөгжилд” сэдэвт VI чуулга уулзалтанд хүрэлцэн ирэхийг урьж байна.

Чуулган Лондон хотын төв хэсэгт байрлах Limkokwing Их Сургуулийн байранд (106 Piccadilly, London W1J 7NL) 5 сарын 2-ны Ням гарагийн өглөөний 8:00 цагаас эхэлнэ. Энэ удаагийн чуулган Анагаах Ухаан, Нийгмийн Ухаан, Математик Мэдээллийн Шинжлэх Ухаан ба Инженерчлэл гэсэн 3 салбараар хуралдаж Их Британи ба бусад улс орнуудад болон дотооддoo сурч ажиллаж буй иргэд, оюутнууд, эрдэмтэн судлаачдыг хамарсан өргөн хэлэлцүүлэг явагдана. Энэ жилийн чуулга уулзалтад Герман, Монгол, Польш, Финланд, Франц Швед зэрэг орнуудаас илтгэгчид биеэр болон цахим хэлбэрээр оролцохоор бүртгүүлээд байна.

Чуулганы эхэнд Монгол улсын Ерөнхий сайдын дэргэдэх “Хилийн чанадад суугаа Монгол улсын иргэд, хуулийн этгээдийн эрх ашгийг хамгаалах, хамтран ажиллах зөвлөл”-өөс онлайн мэндчилгээ дэвшүүлэн, Монгол улсын засгийн газраас гадаадад суугаа Монголчуудынхаа талаар боловсруулж буй бодлого, авч хэрэгжүүлж буй арга хэмжээний талаар танилцуулна. Мөн Монгол улсын ШУА-н гишүүн, түүхийн ухааны доктор, О.Батсайхан “ХХ ЗУУНЫ МОНГОЛЫН ТҮҮХ: 1911 оны Монголын Үндэсний хувьсгалын удирдагч VIII Богд Жавзандамба хутагт болон түүний тухай түүх судлалд өгүүлсэн нь” сэдвээр нийтэд илтгэл тавина.

Энэ удаагийн чуулган нь байгалийн шинжлэх ухааны чиглэлээр салбар хуралдаанууд зохиогдож илтгэгчид нь зөвхөн Британи төдийгүй Герман, Голланд, Ирланд, Монгол, Польш, Финланд, Франц, Швед зэрэг орнуудаас биеэр болон цахим хэлбэрээр оролцож онцлог юм.

Та бүхнийг чуулганд хүрэлцэн ирж эх орныхоо хөгжил дэвшилд хувь нэмэр оруулахуйц хэлэлцүүлэг, яриа өрнүүлэхийг уриалж байна. Мөн нийгмийн салбарт илтгэх хүсэлтэй хүмүүс chuulga@gmail.com хаягаар холбогдоно уу.

Хүрэлцэн ирэгсдэд цай, кофегooр үнэгүй үйлчлэхээс гадна Монгол номын худалдаа явагдаж, завсарлагаар Монгол пабнаас зууш, хоолоор үйлчилнэ. Чуулганы төгсгөлд 17:30 цагаас “Бууж өгөх эрхгүй - 7 сарын 1” Монголын уран сайханы кино гарна. Тасалбарын үнэ £5.

Чуулганд оролцогсдод болон нийтэд зориулсан үдэшлэг зохиогдоно. Тасалбарын үнэ £15

Чуулган зохион байгуулагдах сургууль нь хичээл сургалтын олон танхимуудтай төдийгүй эртний эд өлгийн жагсаалтад орсон барилга тул бага насны хүүхэд авчирахгүй байхыг анхаарна уу!

Чуулганыг Зохион Байгуулах Баг

Салбар хуралдааныг зохион байгуулах багийн ахлагчид

2010-03-24T09:49:00.000-07:00

Чуулганд илгэлээрээ оролцох хүсэлтэй судлаачид, оюутан залуус 2010 оны 4 сарын 10-ийг хүртэл салбар тус бүрийг хариуцан ажиллаж буй доорхи хүмүүстэй холбогдоно уу! Илтгэлүүд Монгол хэлээр боловсруулагдаж тавигдана.

АНАГААХ УХААН

Др. Д.Анхлан Institute of Molecular Virology,
Von Esmarch Str 5648149 Muenster, Germany

Email: anchlan@yahoo.de
Web: http://zmbe.uni-muenster.de

Др. Ц.Базаррагчаа Эрдэм шинжилгээний ажилтан, Mary Stops Int, London
Британийн Монголчуудын Холбооны УЗ-ийн гишүүн
Цахим Өртөө Холбооны гишүүн

Email: bazra4@yahoo.com

МАТЕМАТИК, МЭДЭЭЛЛИЙН ШИНЖЛЭХ УХААН, ИНЖЕНЕРЧЛЭЛ

Др.Ч.Алтаннар, Centre for Process Systems Engineering
Imperial College London, England

Email: a.chinchuluun@imperial.ac.uk
Web:http://www.altannar.com/

Д.Цэрэнбат, MSс,
Financial controller, Custom Networks Ltd, Surrey, England
Цахим Өртөө Холбоо, Британийн Монголчуудын Холбооны тэргүүн

Email: d.tserenbat@gmail.com
Web:http://tserenbat.blogspot.com

НИЙГМИЙН УХААН

Др. Б.Эрдэнэбат,
Economics Department , The Lancaster University Management School,
Manchester, England
Цахим Өртөө Холбооны гишүүн

Email:bataa@lancaster.ac.uk
Web:www.lums.lancs.ac.uk/profiles/erdenebat-bataa

Д.Сэмжидмаа, MSc,
Director of Semon Cashmere Ltd, London
Британийн Монголчуудын Холбооны УЗ-ийн гишүүн

Email: semka1@gmail.com
Web:www.semoncashmere.com